ATMU bu universitetlə əməkdaşlığı möhkəmləndirir
Şimali Kipr Türk Respublikası Doğu Akdeniz Universitetinin rektoru Hasan Kılıc və beynəlxalq əlaqələr üzrə rektor müşaviri Cahit Ezel Azərbaycan Turizm və Menecment Universitetində (ATMU) olublar.
Crossmedia.az xəbər verir ki, bu barədə ATMU-dan məlumat verilib.
Rektor İlham Mədətovla görüşdə ATMU-nun Türkiyə Cümhuriyyətinin nüfuzlu universitetləri ilə əməkdaşlıq əlaqələrinin arzuolunan səviyyədə qurulduğu diqqətə çatdırılıb. Söhbət zamanı ATMU ilə Doğu Akdeniz Universiteti arasında ikitərəfli əməkdaşlıq əlaqələrinin bundan sonra möhkəmlənəcəyinə inam ifadə olunub. Rektor Hasan Kılıç isə Doğu Akdeniz Universitetinin dinamik inkişaf istiqamətlərindən danışıb.
Rektorlar qarşıdakı illərdə nəzərdə tutulan beynəlxalq təhsil layihələrinin, o cümlədən proqramların icrasında əhəmiyyətli tərəfdaş olacaqlarına inam ifadə ediblər.
13:27 09.01.2025
Oxunuş sayı: 14826
