BDU Rumıniyanın Qərbi Timişoara Universiteti ilə “Erasmus” mübadilə protokolu imzalayıb
Bakı Dövlət Universitetinin (BDU) inkişaf strategiyasında dünyanın nüfuzlu elm və təhsil müəssisələri ilə ikitərəfli və çoxtərəfli əməkdaşlığın gücləndirilməsi, qarşılıqlı elm, təhsil mübadiləsinin təmin edilməsi xüsusi önəm daşıyır.
Bu məqsədlə BDU ilə Rumıniyanın Qərbi Timişoara Universiteti arasında “Erasmus” mübadilə protokolu imzalanıb.
Crossmedia.az BDU-ya istinadən bildirir ki, müqavilə çərçivəsində bakalavr, magistr, tədqiqatçıların və akademik heyətin mübadiləsi nəzərdə tutulur.
Əsası 1944-cü ildə qoyulan Qərbi Timişoara Universiteti QS Avropa Universitetləri reytinqində 52-ci sırada yer alır. 11 fakültəsi olan Universitetdə 16000-ə yaxın tələbə təhsil alır.
19:00 08.01.2025
Oxunuş sayı: 3916
