Xarici xəbərlər

İran XİN rəhbəri ABŞ-ın müharibə siyasətini pislədi

İranın xarici işlər naziri Abbas Ərakçi ABŞ-nin İrana qarşı tətbiq etdiyi sanksiyaları və hərbi əməliyyatları sərt tənqid edib.

Crossmedia.az xəbər verir ki, Abbas Ərakçi bu barədə açıqlama verib.

Ərakçinin sözlərinə görə, ABŞ 47 illik sanksiyalardan sonra İsrailin adından İranla müharibəyə başlayıb.

O bildirib ki, bunun nəticələri ABŞ üçün, o cümlədən ölkənin dünyadakı mövqeyi və nüfuzu baxımından fəlakətli olub.

İran XİN rəhbəri Vaşinqtonun sanksiyalar və müharibə yolu ilə məqsədlərinə nail ola bilmədiyini deyib.

Ərakçi ABŞ-nin buna cavab olaraq yeni sanksiyalar tətbiq etməsini də tənqid edib: “Məqsədlərinə sanksiyalar və ya müharibə yolu ilə nail ola bilməyən Vaşinqton özünün “yenilikçi” həllini təklif edir – daha çox sanksiya. Ciddisiniz?”

ABŞ sentyabrın 8-də İranın aviasiya sektoruna qarşı 36 yeni sanksiya elan edib.

Mövzular:

İran ABŞ Vaşinqton Abbas Ərakçi aviasiya sektoru sanksiya

🖨 Çap et

23:41 08.09.2026

Oxunuş sayı: 53