Dronlar Yekaterinburqda Wildberries mərkəzini hədəfə aldı
31 avqustda Rusiyanın Yekaterinburq şəhərinə PUA hücumu olub, yaşayış binalarına və logistika mərkəzinə zərər dəyib.
Crossmedia.az xəbər verir ki, Sverdlovsk vilayətinin qubernatoru Denis Pasler bu barədə məlumat yayıb.
Onun sözlərinə görə, PUA-ların və onların qalıqlarının yaşayış binalarına və logistika mərkəzinə düşməsi nəticəsində yanğınlar qeydə alınıb. Hadisə yerində fövqəladə xidmətlər çalışıb və ərazidə təxliyə aparılıb. İlk açıqlamada ölənlərin olmadığı bildirilib.
Rusiya prezidentinin Ural Federal Dairəsi üzrə səlahiyyətli nümayəndəsi Artəm Joga Yekaterinburqda yaşayış binasının da zərər gördüyünü bildirib. Onun sözlərinə görə, ticarət şirkətinə məxsus logistika mərkəzinə hücumun qarşısı alınıb və PUA qalıqları binanın yaxınlığına düşüb.
Ukrayna mənbələrinə və yerli monitorinq kanallarına istinad edən məlumatlarda hücumun hədəfinin Rusiyanın ən böyük onlayn ticarət platformalarından biri olan “Wildberries”in Yekaterinburqdakı logistika mərkəzi olduğu bildirilir. Bir PUA-nın obyektə bir neçə metr məsafədə düşdüyü qeyd olunur.
“Wildberries”dən bildirilib ki, PUA hücumu zamanı əməkdaşların təxliyəsi həyata keçirilib. Şirkətin məlumatına görə, logistika kompleksi zərər görməyib.
Qeyd edək ki, Yekaterinburqdakı “Wildberries” logistika obyektinə bundan əvvəl də PUA hücumu olmuşdu. 7 avqustda baş verən hadisə zamanı obyektin əməkdaşları təxliyə edilmişdi
14:35 31.08.2026
Oxunuş sayı: 47
