"Titanik" sərnişininin faciədən əvvəl yazdığı məktub hərraca çıxarılır
"Titanik" gəmisinin sərnişinlərindən biri tərəfindən faciədən bir neçə gün əvvəl yazılmış nadir məktub hərraca çıxarılacaq.
Crossmedia.az "Independent" nəşrinə istinadən xəbər verir ki, məktub 1912-ci il aprelin 10-da ikinci dərəcəli sərnişin Henri Prays Hodces tərəfindən yazılıb. O, məktubunda gəmidəki sakit atmosferdən, əlverişli havadan və sərnişinlərin gündəlik həyatından bəhs edib. Məktubun hərracda 35 min funt sterlinqə qədər satılacağı gözlənilir.
Məlumata görə, Henri Prays Hodces "Titanik"in 1912-ci il aprelin 15-də baş verən qəzasında həlak olub. Onun cəsədi sonradan tapılaraq Kanadanın Halifaks şəhərində dəfn edilib. Məktub isə tarixi əhəmiyyətinə görə nadir eksponatlardan biri hesab olunur.
00:30 24.07.2026
Oxunuş sayı: 24
