Xarici xəbərlər

Rusiya hücumu nəticəsində ayağını itirən ukraynalı gimnast dünya turuna çıxacaq

Rusiya ordusunun Odessa vilayətinə hücumu nəticəsində ayağını itirən ukraynalı gimnast Aleksandra Paskal “Dance of Freedom” (Azadlıq Rəqsi) adlı dünya turuna çıxmağa hazırlaşır.

Crossmedia.az bu barədə xarici mediaya istinadən xəbər verir.

Məlumata görə, gənc idmançı bu yay Paris, Nyu-York, Rio-de-Janeyro, Nayrobi və Tokio şəhərlərində çıxış edəcək.

Aleksandra Paskal həmin şəhərlərin əsas meydanlarında azadlıq, dözümlülük və Ukraynanın gələcəyinə həsr olunmuş rəqs proqramlarını təqdim edəcək.

“Artıq rəqslərimi hazırlamışam və hər ölkədə bir rəqs nümayiş etdirəcəyəm. Bununla Ukraynada müharibənin davam etdiyini xatırlatmaq, eyni zamanda xalqımızın güclü və əzmkar olduğunu göstərmək istəyirəm”, – deyə gimnast bildirib.

Layihənin məqsədi Ukraynada davam edən müharibəyə beynəlxalq diqqəti cəlb etmək və ölkə xalqının iradəsini dünyaya nümayiş etdirməkdir.

🖨 Çap et

17:39 17.06.2026

Oxunuş sayı: 44