Xarici xəbərlər

G7 ölkələri Ukraynaya hərbi dəstəyin artırılması barədə razılığa gəlib

G7 ölkələrinin liderləri Ukraynaya göstərilən hərbi yardımın əhəmiyyətli dərəcədə artırılması ilə bağlı razılıq əldə ediblər.

Crossmedia.az xarici mediaya istinadən xəbər verir ki, birgə bəyanata əsasən, Ukraynaya əlavə hava hücumundan müdafiə avadanlıqları, yeni hava müdafiə sistemləri, tutucu raketlər və uzaqmənzilli silahların tədarükü nəzərdə tutulur.

Sənəddə əsas diqqətin Ukraynanın döyüş meydanındakı mövqelərinin gücləndirilməsinə və Rusiyaya qarşı təzyiqin artırılmasına yönəldiyi bildirilir.

Bəyanatda danışıqların başlanması, atəşkəs və ya münaqişənin sülh yolu ilə nizamlanması məsələlərinə toxunulmayıb. Əvəzində Ukraynaya dəstəyin davam etdirilməsinin və Rusiyanın hərbi əməliyyatlarına qarşı mübarizənin gücləndirilməsinin vacibliyi vurğulanıb.

G7 liderləri hesab edirlər ki, əlavə hərbi yardım Ukraynanın müdafiə imkanlarını artırmağa və ölkənin təhlükəsizliyini möhkəmləndirməyə kömək edəcək.

🖨 Çap et

16:58 17.06.2026

Oxunuş sayı: 58