Xarici xəbərlər

Hörmüz boğazında yeni sistem: ABŞ-dan “VIP keçid” ideyası

ABŞ administrasiyası Hörmüz boğazında gəmiçiliyin təhlükəsizliyini təmin etmək üçün yeni təşəbbüsləri nəzərdən keçirir.

Crossmedia.az “Politico” nəşrinə istinadən xəbər verir ki, Prezident Donald Trampın boğazın açıq olduğunu bəyan etməsinə baxmayaraq, gəmi sahibləri marşrutdan istifadə etməkdə hələ də ehtiyatlı davranırlar.

Nəşrin mənbələri bildirirlər ki, Tramp administrasiyasının rəsmiləri neft tankerlərinin hərəkətinin bərpası üçün müxtəlif variantları, o cümlədən ABŞ Hərbi Dəniz Qüvvələrinin müşayiəti ilə ödənişli “VIP keçid” sisteminin tətbiqini müzakirə edirlər.

Məlumata görə, təşəbbüsün məqsədi strateji əhəmiyyət daşıyan Hörmüz boğazında gəmiçiliyin təhlükəsizliyini artırmaq və ticarət axınını sabitləşdirməkdir.

🖨 Çap et

16:50 17.06.2026

Oxunuş sayı: 53