Milyardlar və xəritələr: Ukrayna üzrə ŞOK İDDİA
Əbu Dabidə keçiriləcək görüşdə Kiyevin 800 milyard dollarlıq maliyyə dəstəyi proqramı müqabilində ərazidən imtina məsələsinin müzakirə olunacağı bildirilir.
Crossmedia.az xəbər verir ki, bu barədə "Corriere della Sera" nəşri məlumat yayıb.
Məlumata görə, görüşdə tərəflərin danışıqlar qrupları sülh müqaviləsinin əsasını təşkil etməsi gözlənilən dörd sənəd təqdim edəcəklər.
Nəşr qeyd edir ki, təqdim olunacaq sənədlərdən biri Ukrayna Silahlı Qüvvələrinin Donbasdan tamamilə çıxarılması ilə bağlıdır. Digər sənədlərin də təhlükəsizlik, maliyyə təminatları və siyasi öhdəlikləri əhatə etdiyi bildirilir.
Məlumat hələlik rəsmi təsdiqini tapmayıb. Lakin iddialar Ukrayna üzrə mümkün sülh prosesinin maliyyə və təhlükəsizlik komponentləri ətrafında intensiv pərdəarxası danışıqların getdiyinə işarə edir.
15:23 23.01.2026
Oxunuş sayı: 465
