ABŞ İrana hərbi təzyiqi artırır: Təyyarədaşıyan gəmi bölgəyə göndərilir
ABŞ Prezidenti Donald Tramp Vaşinqtonun İrana qarşı hərbi təzyiqləri artırdığını bəyan edib.
Crossmedia.az bu barədə xarici mediaya istinadən xəbər verir.
Onun sözlərinə görə, ABŞ Hərbi Dəniz Qüvvələrinə məxsus bir neçə döyüş gəmisi artıq İran istiqamətində hərəkətə başlayıb.
Tramp bildirib ki, "USS Abraham Linkoln" təyyarədaşıyan gəmisi və bir neçə idarə olunan raket esminesi yaxın günlərdə Fars körfəzi bölgəsinə daxil olacaq. ABŞ prezidenti bu hərbi addımı “nəhəng donanma” kimi xarakterizə edib.
Tramp açıqlamasında Tehrana növbəti xəbərdarlıq edərək, İran hakimiyyətini etirazçıların öldürülməsindən çəkinməyə və nüvə proqramını davam etdirməməyə çağırıb.
İranın ali rəhbəri Əli Xameneinin devrilməsi və ya sürgün edilməsi ehtimalı ilə bağlı suala cavab verən Tramp detalları açıqlamaq istəmədiyini deyib. Bununla belə, o vurğulayıb ki, İran rəhbərliyi ABŞ-nin nə istədiyini çox yaxşı bilir.
Qeyd edək ki, bu açıqlamalar ABŞ–İran münasibətlərində gərginliyin daha da artdığını göstərir.
11:20 23.01.2026
Oxunuş sayı: 1264
