Paşinyan: Azərbaycanla əlaqələr daha da intensivləşəcək
Paşinyan əmindir ki, Azərbaycan nümayəndə heyətləri yaxın gələcəkdə Ermənistana səfər edəcək.
Crossmedia.az xəbər verir ki, Ermənistanın Baş naziri Nikol Paşinyan hesab edir ki, Azərbaycanla əlaqələr tezliklə daha da intensivləşəcək.
"Bu il iki rəsmi nümayəndə heyətimiz artıq Azərbaycana yola düşüb. Həmçinin əminəm ki, Azərbaycan nümayəndə heyətləri yaxın gələcəkdə gələcək", - deyə Ermənistan hökumətinin rəhbəri bildirib.
O, taxıl qatarlarının bu il Ermənistana Azərbaycan vasitəsilə daxil olduğunu xatırladıb.
"Mətbuatda neft məhsullarının idxalı məsələsinin də müzakirə olunduğunu oxudum. Bu, balanslaşdırılmış xarici siyasətdir və nəticədə uğur qazanmışıq. Niyə bu uğurdan imtina etməliyik? Biz bundan sonra da inkişaf etməliyik", - deyə Paşinyan vurğulayıb. (Axar.az)
12:02 11.12.2025
Oxunuş sayı: 1367
