Slovakiya ilə əməkdaşlıq Azərbaycanın maraqlarına uyğundur- Deputat
Prezident İlham Əliyevin “Slovakiya ilə Azərbaycan dost ölkələr və strateji tərəfdaşlardır” bəyanatı iki ölkə arasında formalaşan siyasi etimadın və genişlənən əməkdaşlıq xəttinin əhəmiyyətini bir daha ortaya qoyur. Bakı ilə Bratislava arasında qarşılıqlı hörmətə və ortaq maraqlara əsaslanan əlaqələr son illərdə həm siyasi, həm iqtisadi, həm də enerji təhlükəsizliyi sahələrində yeni dinamika yaradıb. Bu tərəfdaşlığın gələcək perspektivləri isə regiondakı dəyişən geosiyasi reallıqlar fonunda hər iki ölkəyə mühüm imkanlar vəd edir.
Mövzu ilə bağlı Milli Məclisin deputatı Asim Mollazadə Crossmedia.az-a açıqlama verib:
“Bu görüş növbəti dəfə Azərbaycanın Avropa İttifaqı ölkəsi ilə strateji tərəfdaşlığını ifadə edir və bu çoxşaxəli əməkdaşlıqdır. Azərbaycan və Slovakiya enerji, nəqliyyat və hərbi sənaye sahəsində uğurlu əməkdaşlıq edir. Mənə elə gəlir ki, Slovakiya və Azərbaycan təhsil və mədəniyyət sahəsində də öz əməkdaşlığını genişləndirə bilər. Bu əməkdaşlıq tam olaraq Azərbaycanın strategiyasına uyğundur”.
Ayhan
21:25 09.12.2025
Oxunuş sayı: 1038
