Türkiyə Qəzza üçün genişmiqyaslı tibbi yardım göndərib
Türkiyə Qəzzadakı humanitar böhran fonunda bölgəyə böyük həcmdə tibbi yardım partiyası yollayıb.
Crossmedia.az xarici KİV-ə istinadən xəbər verir ki, İzmirin Alsancak limanından çıxan Türkiyə humanitar gəmisinin istiqaməti Misirin Əl-Əriş limanıdır. Yardım paketi Qəzzada tibbi resursların son dərəcə məhdud olduğu bir vaxtda yerli əhali üçün nəzərdə tutulub.
Türkiyənin səhiyyə naziri Fahrettin Kocanın məlumatına görə, ümumi çəkisi 500 tona yaxın olan yardım yükünün tərkibində dərman vasitələri, tibbi ləvazimatlar, səkkiz sahə xəstəxanası və 20 təcili yardım maşını var. Bildirilir ki, bu, humanitar böhran dərinləşəndən bəri Türkiyənin bölgəyə göndərdiyi ən böyük tibbi yardım partiyalarından biridir.
Nazir vurğulayıb ki, Türkiyə Qəzzada tibbi xidmətlərin çöküşünə imkan verməmək üçün dəstəyini davam etdirəcək və ehtiyac olduğu müddətdə yeni yardım göndərişləri həyata keçiriləcək.
22:35 22.11.2025
Oxunuş sayı: 3289
