İran Hərbi Hava Qüvvələri region ölkələrindən geri qalır
Yaxın Şərq və Cənubi Qafqaz ölkələri hərbi aviasiyanı sürətlə modernləşdirdiyi halda, İran Hərbi Hava Qüvvələri uzun illərdir yenilənmədiyi üçün qonşularından kəskin şəkildə geri qalır.
Mövzu ilə bağlı Crossmedia.az xarici mediaya istinadən xəbər verir. Azərbaycan artıq 40 ədəd JF-17C Block III qırıcısı alıb və ilk təyyarələr təqdim olunub. Bu model uzun mənzilli PL-15E raketləri ilə işləyə bilir ki, bu da ölkənin hava müdafiəsini gücləndirən mühüm üstünlükdür.
İran isə hələ də 1970-ci illərin F-14A Tomcat təyyarələrindən və imkanlarına görə müasir standartlardan geri qalan Fakour-90 raketlərindən istifadə edir.
Türkiyə 44 Eurofighter Typhoon və Meteor raketləri almağa hazırlaşır, 40 F-35 əldə etmək üçün danışıqları davam etdirir və eyni zamanda milli TF Kaan qırıcısının inkişafını sürətləndirir.
Səudiyyə Ərəbistanı 48 F-35 almaq istəyir ki, bu da onun regionda onsuz da güclü olan hava qüvvələrini daha da möhkəmləndirəcək.
Qətər təxminən 100 ədəd Eurofighter, Rafale və F-15QA-dan ibarət geniş və müasir aviapark formalaşdırır.
BƏƏ Meteor raketləri ilə təchiz olunacaq 80 Rafale F4 təyyarəsi sifariş edib.
Həmçinin Ermənistanın imkanlarının məhdud olduğu da qeyd edilir. Ölkənin inventarında Su-25-lərə əlavə olaraq cəmi dörd Su-30SM qırıcısı var.
Nigar Yahyazadə
23:58 22.11.2025
Oxunuş sayı: 3475
