ABŞ rəsmisi: Ukrayna rəhbərliyi sülh razılaşmasına getməli olacaq
ABŞ administrasiyasından olan yüksək rütbəli rəsmi bildirib ki, Ukrayna Prezidenti Volodimir Zelenskinin hazırkı siyasi mövqeyinin zəifləməsi fonunda Kiyev sülh razılaşmasına getməyə məcbur qala bilər.
Crossmedia.az xarici KİV-ə istinadən xəbər verir ki, məlumatda ABŞ Prezidenti Donald Trampın Zelenskiyə sazişi imzalamaq üçün 24 noyabra qədər vaxt verdiyi qeyd olunur. Əks halda, Ukrayna ABŞ-ın kəşfiyyat və hərbi dəstəyini itirmək riskilə üzləşə bilər.
Mənbənin sözlərinə görə, Vaşinqton ukraynalılardan sülh müqaviləsinə razılıq göstərməyi tələb edib. Bildirilir ki, “sazişdə hər hansı dəyişiklik prezident Tramp tərəfindən şəxsi qaydada ediləcək”.
Qeyd olunur ki, ABŞ rəhbərliyi prosesin mümkün qədər tez nəticə verməsini istəyir və Ukraynanın bu mərhələdə seçim imkanlarının məhdud olduğu vurğulanır.
22:30 22.11.2025
Oxunuş sayı: 3713
