Qəzzada HƏMAS–SEPAH–Əsəd əlaqələrini sübut edən sənədlər tapılıb
İsrail ordusu Qəzza zolağında HƏMAS, SEPAH və Bəşar Əsəd rejimi arasında birbaşa əlaqələri göstərən sənədlər tapdığını açıqlayıb.
Bu barədə Crossmedia.az xarici mediaya istinadən xəbər verir.
Sənədlərdə Yəhya Sinvar, İsmayıl Haniyə, Həsən Nəsrullah və SEPAH-ın öldürülən Qüds qanadının komandirlərindən biri – Məhəmməd Səid İzədi ilə bağlı yazışmalar yer alır.
Hesabata görə, Sinvar məktubunda Suriyanı HƏMAS üçün “vacib baza” adlandırıb və Əsəd rejimi vasitəsilə “Qüds mərkəzli müqavimət proqramına qoşulmağın” mümkün olduğunu yazıb.
Sənədlər, habelə, HƏMAS və Hizbullah rəsmiləri arasında keçirilən görüş protokolunu üzə çıxarır. Yazışmalarda tərəflərin Suriya ilə əlaqələri bərpa etmək və bu əməkdaşlığa dair ictimai reaksiyanı azaltmaq planları qeyd olunub.
19:12 22.11.2025
Oxunuş sayı: 3745
