Makron: G20 qlobal böhranların həllində uğur qazanmır və mövcudluq mənasını itirə bilər
G20 (İyirmilər qrupu) təhlükəsizlik və iqtisadi sahələrdə qlobal böhranların həllində effektivlik göstərmir. Bu isə təşkilatın mövcudluq məqsədini sual altına alır.
Crossmedia.az xarici mətbuata istinadən xəbər verir ki, bu fikirləri Fransa Prezidenti Emmanuel Makron Yohannesburqda keçirilən G20 sammitinin açılışında çıxışı zamanı bildirib.
Makronun sözlərinə görə, G20 “öz dövrünün sonuna yaxınlaşır”, çünki iştirakçı ölkələr bir araya gələrək əsas beynəlxalq böhranlara vahid yanaşma formalaşdırmaqda çətinlik çəkirlər. O qeyd edib ki, geosiyasi məsələlərdə ümumi standartın müəyyən olunmaması təşkilatın gələcəyini risk altına qoyur.
“Əgər biz konkret nəticələr əldə edə bilməsək, G20-nin mövcudluq mənası itə bilər”, – Fransa prezidenti vurğulayıb.
Pərvin Hacıyeva
18:42 22.11.2025
Oxunuş sayı: 3428
