Ukrayna və ABŞ arasında sülh danışıqları İsveçrədə keçiriləcək
Ukrayna və ABŞ arasında sülh sazişi ilə bağlı məsləhətləşmələr bu günlərdə İsveçrədə keçiriləcək.
Crossmedia.az xarici mediaya istinadən xəbər verir ki, danışıqlarda hər iki tərəfdən yüksək vəzifəli rəsmilər iştirak edəcək. Ukrayna Milli Təhlükəsizlik və Müdafiə Şurasının katibi Rustem Umerov bu barədə bildirib.
Prezidentin rəsmi saytında Ukrayna nümayəndə heyətinin tərkibi dərc olunub. Heyət ABŞ və digər beynəlxalq tərəfdaşlarla, həmçinin Rusiya nümayəndələri ilə ədalətli və davamlı sülhün əldə edilməsi üçün aparılacaq danışıqlarda iştirak edəcək.
Nümayəndə heyətinə Ukrayna prezidenti ofisinin rəhbəri Andrey Yermak rəhbərlik edəcək.
Nigar Yahyazadə
18:34 22.11.2025
Oxunuş sayı: 2950
