Pezeşkian İran valyutasının denominasiyası barədə fərman imzalayıb
İran prezidenti Məsud Pezeşkian İran valyutasının yenidən denominasiyası haqqında fərman verib.
Bu barədə Crossmedia.az İran mətbuatı İran prezidenti administrasiyasına istinadən xəbər verir.
“İran İslam Respublikası Konstitusiyasının 123-cü maddəsinin icrası üçün Məsud Pezeşkian Mərkəzi Bank haqqında qanunun 58-ci maddəsinin (a) bəndinə edilən dəyişikliyin (milli valyutanın denominasiyasını nəzərdə tutan) qüvvəyə minməsi barədə Mərkəzi Bankı xəbərdar edib”, - deyə administrasiyadan bildirilib.
İranda yüksək inflyasiya (Mərkəzi Bankın rəhbəri Məhəmməd Fərzinə görə, illik inflyasiya 38,9%-ə çatıb) və rialın sürətlə zəifləməsi fonunda İran öz valyutasını yenidən denominasiya edir. 2025-ci ilin sentyabr-oktyabr aylarında İran rialı dollar qarşısında rekord həddə çatdı: bir dollar qeyri-rəsmi məzənnə ilə təxminən 1,17 milyon riala bərabər idi.
22:16 22.11.2025
Oxunuş sayı: 3425
