Trampın dəstəklədiyi sanksiyalar Türkiyə üçün risk yarada bilər
Türkiyənin Dünya qəzetinin təhlilçisi Hakan Çınar bildirib ki, ABŞ prezidenti Donald Trampın dəstəklədiyi, Rusiya və onunla əməkdaşlıq edən ölkələrə qarşı yeni sanksiyalar Türkiyə üçün çətinliklər yarada bilər.
Crossmedia.az xarici mediaya istinadən xəbər verir ki, onun sözlərinə görə, Türkiyənin Rusiyayla geniş ticarəti və energetikadan turizmə, kənd təsərrüfatından tekstil sənayesinə qədər sıx əlaqələri var. Bu səbəbdən sanksiyalar enerji daşıyıcılarının qiymətini artıracaq, alternativ mənbələrə ehtiyac yaradacaq, Türkiyə şirkətlərinin Rusiyayla bank əməliyyatları daha ciddi nəzarətə tabe olacaq və ixracatçılar üçün logistika və ödəniş məhdudiyyətləri meydana çıxacaq.
O həmçinin qeyd edib ki, Türkiyənin NATO üzvlüyü ABŞ-nin birbaşa sanksiyalarından qorunma ehtimalını azalda bilər, lakin dolayı və sektoral məhdudiyyətlərin riski nəzərə alınmalıdır.
Nigar Yahyazadə
15:12 22.11.2025
Oxunuş sayı: 3079
