Fransa Pavel Durova qoyulan məhdudiyyətləri tam aradan qaldırdı
Fransa biznesmen Pavel Durova tətbiq edilən bütün hərəkət məhdudiyyətlərini ləğv edib.
Crossmedia.az xəbər verir ki, bu barədə Bloomberg agentliyi məlumat yayıb.
Məlumata görə, qərar 10 noyabr tarixində qəbul edilib və bununla da Durov Fransanı sərbəst şəkildə tərk etmək hüququ qazanıb. O, artıq yerli polis idarəsinə mütəmadi qeydiyyata düşməli deyil.
Xatırladaq ki, Pavel Durov ötən ilin avqustunda Paris aeroportunda saxlanılmışdı. Həmin vaxt ona ölkəni tərk etmək qadağan olunmuşdu. Bu ilin iyununda isə şərtlər yumşaldılaraq Dubaya səfərlərə icazə verilmişdi.
Durov Telegram platformasında kontentin yetərincə moderasiya olunmaması və Fransanın hüquq-mühafizə orqanları ilə əməkdaşlıqdan imtina ilə bağlı aparılan istintaq çərçivəsində saxlanılmışdı. Məlumata əsasən, ona terrorçuluq, narkotiklər, fırıldaqçılıq və uşaqlara qarşı cinayətlər üzrə ittihamların irəli sürülməsi mümkündür.
Türkan Kərimli
09:21 14.11.2025
Oxunuş sayı: 1151
