Rusiya rəsmiləri MiQ-31 qırıcısının qaçırılması cəhdinə dair açıqlama yayıb
Rusiya rəsmiləri Ukrayna kəşfiyyatı tərəfindən MiQ-31 qırıcısının qaçırılması cəhdinə dair açıqlama yayıb.
Crossmedia.az-ın məlumatına görə, Rusiya Federal Təhlükəsizlik Xidməti (FSB) bildirib ki, Ukraynanın Rusiya MiQ-31 təyyarəsini hipersəsli “Kinjal” raketi ilə birlikdə ələ keçirməyə yönələn xüsusi əməliyyatı uğursuz nəticələnib.
Məlumata görə, təyyarənin Rumıniyanın Konstansa şəhərində yerləşən NATO-nun ən iri hava bazalarından birinə qarşı təxribat məqsədilə qaçırılması planlaşdırılıb.
Hadisə Ukrayna Müdafiə Nazirliyinin Baş Kəşfiyyat İdarəsinin təşəbbüsü ilə, Britaniya kəşfiyyatının nəzarəti altında hazırlanıb.
Rusiya tərəfinin iddiasına əsasən, bu əməliyyatda iştirak etmələri üçün rus pilotlarına MiQ-31-i qaçırmaq müqabilində 3 milyon dollar məbləğində mükafat vəd olunub.
11:50 13.11.2025
Oxunuş sayı: 1422
