Venesuelanın XİN başçısı: Azərbaycanın xarici siyasəti çox güclüdür
Azərbaycanın xarici siyasəti çox
güclüdür. Təkcə inkişaf etməkdə olan ölkələrlə deyil, dünyanın lider dövlətləri
ilə də çox yaxşı əlaqələri var.
Crossmedia.az
xəbər verir ki, bunu Venesuelanın Xarici İşlər
naziri İvan Xil Pinto deyib.
XİN başçısı bildirib ki, Venesuela
Ermənistan-Azərbaycan münaqişəsində beynəlxalq sferada Azərbaycanın ərazi
bütövlüyünü dəstəkləyib:
"Venesuela Prezidenti sülhə
sadiqdir. Sülh bütün dünyada vacibdir. Ermənistan və Azərbaycan arasında sülh
sazişinə görə çox şadıq. Biz beynəlxalq platformalarda Azərbaycan həqiqətlərini
dəstəkləmişik, Azərbaycanın sülh çağırışlarına dəstək vermişik. İndi Azərbaycan
və Ermənistan arasında danışıqların irəliləməsi üçün dəstəyimiz davam edir. Bu,
doğru yoldur. Bu, regionda inkişafı qurmaq, sülhü möhkəmləndirmək üçün yeganə
yoldur".
Nazir Venesuela ilə Azərbaycan arasında
ikili münasibətlərdən də söz açıb:
"Azərbaycanla çox yaxşı
münasibətlərimiz var. Azərbaycan gözəl ölkədir, dost ölkədir. Onlar bir çox
sahələrdə inkişaf edirlər və dünya bunu açıq şəkildə görür. Biz
münasibətlərimizi, ikitərəfli əlaqələrimizi gücləndiririk və Azərbaycan
hökuməti ilə münasibətlərimiz əladır. Ölkələrimiz enerji, ticarət, turizm, kənd
təsərrüfatı sahələrində Azərbaycan hökuməti ilə eksklüziv layihələr həyata
keçirir, çox yaxın əməkdaşlıq edirik. Bir neçə Anlaşma Memorandumu da
imzalamışıq. Bu münasibətlərdən çox məmnunuq. BMT-də Azərbaycanın rəhbərlik
etdiyi bir çox layihələrdə, xüsusilə Qoşulmama Hərəkatı və COP29 sədrliyində öz
dəstəyimizi vermişik".(Report)
21:53 02.10.2025
Oxunuş sayı: 5950
