HƏMAS və Misir vasitəçiləri Qahirədə girovlarla bağlı danışıqları müzakirə etdi
Fələstin HƏMAS hərəkatının nümayəndə heyəti və Misir vasitəçiləri çərşənbə axşamı Qahirədə girovlarla bağlı danışıqların bərpası məsələlərini müzakirə ediblər.
Crossmedia.az xarici mətbuata istinadən xəbər verir ki, çərşənbə axşamı baş tutan müzakirələr əsasən ilkin xarakter daşıyırdı və tərəflərin irəlilətməyə çalışacağı konkret detalları əhatə etmirdi.
Vasitəçilər 60 günlük atəşkəs əldə etməyə çalışacaqlar və perspektivdə “dərhal müharibəyə son qoyacaq və qalan 50 girovun hamısının dərhal azad olunmasını təmin edəcək əhatəli razılaşma” bağlamaq niyyətindədirlər.
Bildirilib ki, bunu qısa müddət ərzində həyata keçirmək çətin olacaq, çünki İsrail HƏMAS-dan silahı təhvil verməsini və tam kapitulyasiya etməsini, eləcə də Qəzza sektoruna nəzarəti buraxmasını tələb edir.
HƏMAS xəbər verir ki, danışıqlar üçün Qahirəyə Qəzzadakı hərəkatın rəhbəri Xalil əl-Xayya gəlib.
HƏMAS-ın rəsmi nümayəndəsi Taher əl-Nono bildirib ki, Misir rəsmiləri ilə görüşlər müharibənin dayandırılması və humanitar yardımların çatdırılması yollarına həsr olunacaq.
Pərvin Hacıyeva
10:59 13.08.2025
Oxunuş sayı: 740
