Xarici xəbərlər
İsrail və İran arasında atəşkəs əldə olundu?
Yaxın Şərqdə hərbi gərginlik səngimək bilmir. İsrailin İrana qarşı əməliyyatları ilə başlayan toqquşmalar artıq 12-ci gününə keçib və vəziyyət daha da mürəkkəbləşib.
Crossmedia.az xarici mənbəyə istinadən xəbər verir ki, son sutka ərzində bir sıra mühüm hadisələr baş verib:
- İran bu gün səhər saatlarında Qətər və İraqdakı ABŞ hərbi bazalarına raket zərbələri endirib. Bu hücumlar Vaşinqtonda İranın bölgədəki ABŞ qüvvələrinə birbaşa təhdidi kimi dəyərləndirilib.
- ABŞ Prezidenti Donald Tramp hücumlardan əvvəl İranın Vaşinqtona xəbərdarlıq etdiyini bildirib və bunu “barışa doğru bir addım” kimi qiymətləndirib.
- Tehranda səhər saatlarında üç güclü partlayış səsi eşidilib. Hadisənin səbəbləri barədə hələlik rəsmi açıqlama verilməyib.
- Tramp daha sonra İran və İsrailin atəşkəs razılaşmasına gəldiyini elan edib və tərəfləri razılaşmanı pozmamağa çağırıb.
- Lakin İran xarici işlər nazirinin müavini Abbas Əraqçı bu bəyanatı təkzib edib:
“Atəşkəsə dair heç bir razılaşma mövcud deyil”.
- İsrailin cənubuna atılan raketlərdən biri yaşayış məntəqəsinə düşüb, nəticədə 3 nəfər həyatını itirib.
İsrail ordusu İranın səhər saatlarında beşinci dəfə raket hücumu həyata keçirdiyini açıqlayıb.
- Tramp bir daha atəşkəsin qüvvədə olduğunu bəyan edib və hər iki tərəfi “onu pozmamağa” çağırıb.
- İsrail Hərbi Hava Qüvvələri gecə saatlarında İranda bir neçə raket qurğusunu hədəfə aldığını açıqlayıb.
- İsrail hökuməti bu əməliyyatların ölkəyə yönəlmiş təhlükələrin qarşısını almağa xidmət etdiyini, eyni zamanda Trampın atəşkəs təklifini qəbul etdiklərini bildirib.
Qeyd edək ki, gərginliyin azaldılması üçün beynəlxalq diplomatik səylər davam edir. Lakin tərəflərdən gələn ziddiyyətli açıqlamalar və davam edən hücumlar bölgədə atəşkəsin hələ də qeyri-müəyyən olduğunu göstərir.
Aybəniz Səfərova
12:00 24.06.2025
Oxunuş sayı: 1281
