Çin ABŞ-ın İrana zərbələrini qəti şəkildə pisləyir
Çin ABŞ-ın İranın nüvə obyektlərinə hücumunu pisləyir və atəşkəsə çağırış edir. Bu barədə Çinin BMT-dəki nümayəndəsi Fu Conq Təhlükəsizlik Şurasının fövqəladə iclasında bildirib.
O bildirib ki, Çin, Rusiya və Pakistan tərəfləri "dərhal və qeyd-şərtsiz atəşkəsə, mülki şəxslərin müdafiəsinə, beynəlxalq hüquqa hörmət edilməsinə, dialoq və danışıqlara başlamağa dəvət edən" qətnamə layihəsi təklif edib.
Fu Conq ABŞ-ı BMT Nizamnaməsini, beynəlxalq hüququ, eləcə də İranın suverenliyini, təhlükəsizliyini və ərazi bütövlüyünü pozmaqda ittiham edib, eyni zamanda Yaxın Şərqdə gərginliyi artırmaqda və beynəlxalq nüvə silahlarının yayılmaması rejiminə ağır zərbə vurmaqda ittiham edib.
Çin diplomatı həmçinin bütün tərəfləri beynəlxalq hüquqa riayət etməyə çağırıb. (axar.az)
09:25 23.06.2025
Oxunuş sayı: 820
