Türkiyə Rusiya-Ukrayna arasında mümkün atəşkəsi izləməyə hazır olduğunu açıqlayıb
Türkiyə Rusiya və Ukrayna arasında əldə oluna biləcək atəşkəsin yerinə yetirilməsinə nəzarət etməyə hazırdır. Bu barədə ölkənin xarici işlər naziri Hakan Fidan “İstəkli Ölkələr Koalisiyası”nın onlayn görüşündə danışıb. O, Ukraynanın ərazi bütövlüyünə Ankaranın tam dəstək verdiyini bir daha təsdiqləyib.
Crossmedia.az xarici mediaya istinadən bildirir ki, nazir Fidan çıxışında Türkiyənin Rusiya-Ukrayna müharibəsinin tez bir zamanda başa çatmasında maraqlı olduğunu qeyd edib. O deyib ki, Ankara heç bir şərt olmadan atəşkəsin elan olunmasını və bunun davamlı şəkildə izlənməsini vacib hesab edir. Əgər tərəflər arasında razılıq əldə olunarsa, Türkiyə bu atəşkəsin monitorinqini üzərinə götürməyə hazırdır.
Qeyd edək ki, Türkiyə daha əvvəl də münaqişənin diplomatik yolla həllinə dəstək göstərmiş, tərəflər arasında vasitəçi rolunu oynamağa çalışmışdı.
Fatimə Nəbiyeva
21:49 11.05.2025
Oxunuş sayı: 1153
