ABŞ vasitəçiliyi ilə Hindistan və Pakistan atəşkəsə razılaşıb
Hindistan və Pakistan arasında tam və dərhal atəşkəs razılaşması əldə olunub.
Crossmedia.az xarici mediaya istinadən xəbər verir ki, bu barədə ABŞ prezidenti Donald Tramp sosial hesabında məlumat verib.
Tramp sosial platformasında yazdığı paylaşımda ABŞ-ın vasitəçiliyi ilə gecə boyu aparılan danışıqlardan sonra tərəflərin atəşi dərhal dayandırmaq barədə razılığa gəldiyini bildirib. O, razılaşmanın əldə olunmasını “məmnuniyyətlə elan etdiyini” vurğulayıb.
Trampın sözlərinə görə, Hindistan və Pakistan arasında gərginliyin azalması üçün göstərilən səylər nəticə verib və bu razılaşma regionda sabitlik baxımından əhəmiyyətli addımdır.
Qeyd edək ki, son günlər iki ölkə arasında münasibətlərdə artan gərginlik, xüsusilə sərhəd xəttində baş verən toqquşmalar beynəlxalq ictimaiyyətin narahatlığına səbəb olmuşdu. ABŞ-ın vasitəçiliyi ilə əldə edilən bu razılaşma bölgədə vəziyyətin yumşalmasına töhfə verə bilər.
Fatimə Nəbiyeva
17:06 10.05.2025
Oxunuş sayı: 416
