Pakistan Hindistana qarşı genişmiqyaslı hərbi əməliyyata başladı
Bu gün səhər saatlarında Pakistan Hindistana qarşı “Bunyan-um-Marsus” adlı genişmiqyaslı hərbi əməliyyata başlayıb. Əməliyyatın əsas hədəfi Hindistan ərazisindəki strateji obyektlərdir.
Crossmedia.az xarici mediaya istinadən bildirir ki, artıq Hindistanın BrahMos qanadlı raketlərinin anbarları və “Pinaka” reaktiv yaylım atəşi sistemlərinin yerləşdiyi bazalar məhv edilib. Hindistanın Cammu və Kəşmir bölgəsində isə güclü partlayış səsləri eşidilir.
Əməliyyatın başlanmasından dərhal sonra Pakistanın Baş naziri ölkənin nüvə silahlarına nəzarət edən Milli Komandanlıq Şurasının təcili iclasını çağırıb. Rəsmi İslamabad bu hərbi addımı Hindistana qarşı strateji zərbə kimi qiymətləndirir.
Hazırda bölgədə vəziyyət son dərəcə gərgindir və qarşılıqlı hərbi toqquşmaların genişlənəcəyi ehtimal edilir. Beynəlxalq ictimaiyyət tərəfləri təmkinli olmağa çağırır.
Fatimə Nəbiyeva
11:07 10.05.2025
Oxunuş sayı: 12995
