Senatorlar: “Biz yalnız İranın nüvə proqramını ləğv edən sazişi təsdiq edəcəyik”
İki Respublikaçı senator Lindzi Qraham və Tom Kotton xəbərdarlıq ediblər ki, Senat İranla nüvə sazişini yalnız Tehranın nüvə proqramının tamamilə ləğvinə səbəb olacağı təqdirdə təsdiq edəcək.
Crossmedia.az-ın xarici mediaya istinadən verdiyi məlumata görə, Qraham onu da vurğulayıb ki, Konqresin belə bir razılaşmaya dəstəyi yalnız İranın raket proqramı və proksi qüvvələrinin fəaliyyətləri məsələsinə də toxunulacağı təqdirdə mümkündür.
“Mən Ayətullaha (Xameneiyə) məsləhət görərdim ki, dövlət katibi Rubio və Trampın Yaxın Şərq üzrə xüsusi nümayəndəsi Stiven Uitkoffun təkliflərini ciddi şəkildə nəzərdən keçirsin. Əgər iddia etdiyinizi, dinc nüvə proqramını həqiqətən istəyirsinizsə, bu proqramı ləğv etməlisiniz”, - deyə, Qraham bildirib.
15:40 09.05.2025
Oxunuş sayı: 1030
