Yeni Papa 7 mayda seçiləcək: Vatikan Konklav tarixinə hazırlaşır
21 aprel tarixində vəfat edən Papa Fransiskdən sonra Vatikan yeni ruhani liderini seçməyə hazırlaşır.
Crossmedia.az xarici KİV-ə istinadən xəbər verir ki, Papa seçimi üçün təşkil olunacaq Konklav 7 may Çərşənbə günü keçiriləcək. Seçkilərə 80 yaşından aşağı 135 kardinalın qatılması gözlənilir.
Papa Fransiskin vəfatından sonra Vatikan rəsmi olaraq “Sede Vacante” yəni “taxt boşdur” mərhələsinə keçdi. Bu müddət ərzində Vatikan Şəhər Dövləti müvəqqəti olaraq Kamerlenqo tərəfindən idarə olunur. Hazırda bu vəzifə Kardinal Kevin Farrellin öhdəliyindədir.
“Konklav” latınca “kilidli otaq” mənasına gəlir və bu proses tam gizlilik şəraitində Sistina Şapelində həyata keçirilir. Seçki öncəsi keçirilən ayində Tanrıdan yol göstərməsi dilənir. Ardınca yalnız seçici kardinalar içəri buraxılır, digərləri “Herkes dışarı” əmri ilə şapelə daxil ola bilməz.
Hər gün maksimum dörd dəfə gizli səsvermə keçirilə bilər. Namizədlərdən biri kardinaların üçdə ikisinin səsini alana qədər səsvermələr davam edir. Hər səsvermədən sonra bülletenlər şapeldəki sobada yandırılır. Bacadan çıxan dumanın rəngi nəticəni göstərir: qara duman – hələ seçilməyib, ağ duman – yeni Papa seçildi deməkdir. Bu zaman həm də San Pyotr Bazilikasının zəngləri çalınır.
Seçim tamamlandıqdan sonra “Habemus Papam” (Bir Papamız var) rituali icra edilir. Yeni Papa adı ilə birlikdə xalqa təqdim edilir və Vatikan balkonundan özünü göstərir. Seçim günlər davam edə biləcəyi kimi, bir neçə turda da tamamlanması mümkündür.
Mədinə Cəlilova
21:25 29.04.2025
Oxunuş sayı: 895
