Azərbaycan-Çin əməkdaşlığı yeni mərhələdə
25 aprel 2025-cil tarixində Azərbaycan Respublikasının Prezidenti cənab İlham Əliyev Pekində Çinin CGTN (China Global Television Network) telekanalına müsahibə vermişdir.
2024-cü il iyul ayında Azərbaycan Respublikasının rəhbərliyi ilə Çin Xalq Respublikasının sədri Si Cinpin arasında keçirilmiş görüş, iki ölkə arasında strateji tərəfdaşlığın dərinləşdirilməsi baxımından mühüm tarixi mərhələ kimi qiymətləndirilə bilər. Bu yüksək səviyyəli dialoq təkcə ikitərəfli münasibətlərin möhkəmlənməsi deyil, həmçinin regional və qlobal çağırışlara qarşı birgə cavab imkanlarının genişlən-dirilməsi baxımından önəmli hadisə oldu.
Görüş zamanı iqtisadi, enerji nəqliyyat və humanitar sahələrdə əməkdaşlığın inkişafı məsələləri ətraflı müzakirə edildi. Xüsusilə, “Bir Kəmər, Bir Yol” təşəbbüsündə Azərbaycanın oynadığı mühüm rol və ölkəmizin Şərq-Qərb nəqliyyat dəhlizindəki strateji mövqeyi, Çin tərəfindən yüksək qiymətləndirildi. Bu çərçivədə iki ölkə arasında yeni layihələrin icrası və investisiya imkanlarının artırılması istiqamətində konkret razılaşmalar əldə olundu.
Diplomatik münasibətlərin 30 illik tarixində iki ölkə arasında qarşılıqlı etimad və anlaşmanın dərinləşdiyini bir daha nümayiş etdirdi. Azərbaycanın xarici siyasətində çoxtərəfli və balanslaşdırılmış yanaşma prinsipinə sadiqliyi, Çin ilə münasibətlərdə də öz əksini tapmaqdadır.
Azərbaycan ilə Çinin çox yaxın əlaqələri var. Dövlətimiz sədr Si Cinpinin inkişaf, təhlükəsizlik və sivilizasiyalar ilə bağlı bir neçə təşəbbüsünə qoşulub. Azərbaycan bu təşəbbüsə qoşularaq davamlı inkişaf məqsədlərinə nail olunması, yoxsuluğun azaldılması, təhsil, səhiyyə və iqlim dəyişikliyi sahələrində beynəlxalq əməkdaşlığın genişlndirilməsi məqsədini dəstəkləyir. Həmçinin bu təşəbbüs müxtəlif mədəniyyətlr arasında dialoqun təşviq olunmasına, mədni müxtəlifliyə hörmətin artırılmasına və mədəni əlaqələrin gücləndirilməsinə töhfə verir. Bu çərçivədə Azərbaycanın multikulturalizm siyasəti buna sübutdur. Müsahibə zamanı cənab prezident İlham Əliyev bildirdi: “Biz Sədr Si il hərtərəfli strateji tərəfdaşlıq əlaqələrinin qurulması haqqında Birgə Bəyənatı imzaladıq. Münasibətlərimizi daha yüksək səviyyəyə qaldırdıq. Bununla yanaşı, bir çox sahəni əhatə edən 20-dən artıq sənəd imzalandı. Bir sözlə, mən deyərdim ki, münasibətlər əladır”. İmzalanan sənədlər Azərbaycan və Çin arasında strateji tərəfdaşlığın daha da möhkəmlənməsinə və demək olar bütün sahələrdə əməkdaşlığın genişlndirilməsinə xidmət edir.
Dövlətimizin qlobal inkişaf, qlobal təhlükəsizlik və qlobal sivilizasiyalar təşəbbüslərinə qoşulması, ölkənin qlobal əməkdaşlıqda fəal iştirakını, qarşılıqlı hörmət, çoxtərəfli diplomatiya və dayanaqlı inkişaf prinsiplərinə sadiqliyini əks etdirir. Azərbaycan-Çin münasibətləri qarşılıqlı etimada, strateji baxışa, ümumi maraqlara əsaslanan dərin və perspektivli tərəfdaşlıq nümunəsidir. İki ölkə arasında olan əməkdaşlıq gələcək illərdə də regional sabitlik, iqtisadi inkişaf və mədəni yaxınlaşma baxımından mühüm rol oynamağa davam edəcək.
Nigar Abdullayeva
YAP Yasamal rayonu AMEA Folklor İnstitutu üzrə
ərazi partiya təşkilatının sədr müavini
16:05 29.04.2025
Oxunuş sayı: 5377
