İran rəsmisindən sərt xəbərdarlıq: “İsrail hücum etsə, region ölkələri təhlükəsiz olmayacaq”
İran parlamentinin sədri Məhəmmədbaqir Qalibaf, İsrailin və ABŞ-nin İranın hərbi bazalarına qarşı təhdidləri ilə əlaqədar ciddi xəbərdarlıq edib.
Crossmedia.az xarici KİV-ə istinadən xəbər verir ki, İran parlamentinin sədri Məhəmmədbaqir Qalibaf İsrailin Baş naziri Benyamin Netanyahunun və ABŞ-nin İranın hərbi bazalarına və nüvə obyektlərinə hücum təhdidləri ilə bağlı açıqlamalarına münasibət bildirib.
Qalibaf deyib:
“İrana qarşı istənilən hücum bütün bölgəni partladacaq barıt çəlləyinin alışdırılması deməkdir və İsrailin avantürasının əvəzini region ölkələri ödəyəcək”.
O həmçinin ABŞ-nin İslam Respublikasının hərbi bazalarına mümkün hücumuna da toxunaraq bildirib:
“Bu halda region ölkələrində yerləşən bütün Amerika bazaları İranın cavab reaksiyası ilə üzləşəcək”.
Həmayıl Şükürlü
15:50 29.04.2025
Oxunuş sayı: 761
