Bu bürclər keçi ilində bolluq bərəkət içində olacaq - Astroloq
Hər yeni il insanlar üçün yeni ümidlər, gözləntilər və dəyişiklik arzusu ilə başlayır. Bəziləri karyerasında yüksəliş, bəziləri şəxsi həyatında xoşbəxtlik, digərləri isə qarşılarına çıxacaq fürsətləri dəyərləndirmək istəyir. Astroloji yanaşmaya görə, 2027-ci il bir sıra mühüm planet keçidləri, tutulmalar və fərqli enerji dəyişiklikləri ilə yadda qala bilər. İlin ilk yarısında özünüifadə, yaradıcılıq və liderlik ön plana çıxarkən, ikinci yarıda iş həyatı, təhsil və peşəkar inkişaf daha çox diqqət çəkəcək. Bəs ulduzların mövqeyi astroloji şərhlərdə hansı bürclər üçün yeni imkanlar, hansılar üçün sınaqlar vəd edir? 2027-ci ildə hansı bürclər həyatlarında dönüş nöqtəsi ilə qarşılaşa bilər?
Mövzu ilə bağlı Crossmedia.az-a açıqlama verən astroloq Aytən Salami bildirib ki, 2027-ci ildə 2026-cı ildə olduğu kimi Saturnun Qoç tranziti davam edəcək:
"Çünki Saturn astrologiyada karmanı, sınaqları, məhdudiyyətləri, intizamı, nizamı, məsuliyyəti təmizləyən planetdir və Qoç bürcündə də bu təşəbbüs, mübarizə, liderlik simvolizə edir. 2027-ci ildə insanların həyatına müstəqil qərar vermək, şəxsi həyatları və karyerasına görə məsuliyyət götürmək ehtiyacları ön planda olacaq.
İkinci bir məsələ isə 2027-ci ilin birinci yarısı şans, bolluq, bərəkət planeti olan Yupiter şir bürcündə hərəkətini davam etdirir. İlin ikinci yarısı isə iyun ayından sonra isə Qız bürcünə keçid edəcək. İki fərqli enerji qarşılayır bizi 2027-də. İlk öncə ilk yarıda yaradıcılıq, özünü ifadə, liderlik, tanınmaq, uğur, səhnədə olmaq bu mövzular daha çox ön plana çıxacaq. İlin ikinci yarısında isə insanların həyatında daha çox peşəkar inkişaf, təhsil, iş həyatı, nizam-intizam, bu sahələrdə daha çox əhəmiyyətli qərarlar, belə deyim, özünü əks etdirəcək.
Və eyni zamanda 2027-ci ilin ən mühüm tranziti nədir? Tutulmalar Şir və Dolça əksində baş verəcək və yüksələni, ay bürcü, günəşi, venerası xəritəsində Şir və Dolça bürcündə mühüm planeti olan insanların həyatında böyük dəyişim-dönüşüm dövrləri baş verəcək. Bütün insanlar 9 il əvvələ və yaxud da 18 il əvvələ keçid etsinlər, xatırlasınlar və o zamanlar həyatlarında nələr yaşanmışdısa, onun hardasa bir bənzəri yaşanacaq. Kombinasiyalar dəyişsə də eyni mövzular həyatlarına təkrar alacaq.
Burada 2027-ci ildə hansı bürclər üçün daha uğurlu, fürsətli olacaq? Ən əsasən 2027-ci ilin 7-ci il daha çox Şir, Qız, Oxatan, Qoç və Buğa bürclərin həyatı dəyişəcək. Burada Qoç bürcləri və tərəzilər eyni zamanda daha çox sınaqlı dövrdən keçəcəklər. 2027-ci ilin ən çətinə çəkən bürclərindən biri olacaqlar. Hətta buna Şir bürcünü mən əlavə eləyə bilərəm. Sınaqlı çətin bir dövrdən keçəcəklər.
2027-ci ilin ən uğurlu bürcü deyərdim ki, Dolçalar olacaq, Qız bürcləri, balıqlar, Oğlaq bürcü, Buğalar bunlar çox şanslı olacaqlar. Xüsusilə də Qız bürcləri ilin ikinci yarısı iyun ayından etibarən Yupiterin təsiri altında olacaqlar. Həqiqətən də şans, bolluq, bərəkət dövrü olaradan olacaq".
Nuray Oqtayqızı
12:00 30.10.2026
Oxunuş sayı: 407
