Xarici xəbərlər

Rusiya 2027-ci il danışıqları üçün əsas şərti açıqladı

Rusiya Ukraynadakı vəziyyətin nizamlanması ilə bağlı ciddi danışıqların 2027-ci ildə keçiriləcəyini gözləyir.

Crossmedia.az xəbər verir ki, Rusiya Dövlət Dumasının Beynəlxalq Məsələlər Komitəsi sədrinin birinci müavini Svetlana Jurova bu barədə “Gazeta.Ru”ya açıqlama verib.

Jurova bu fikirləri “The New York Times” qəzetinin Ukrayna üzrə danışıqlar prosesində 2027-ci ilin yazında və ya yayında irəliləyiş əldə edilə biləcəyi barədə yazısını şərh edərkən səsləndirib.

“2027-ci ildə danışıqların keçirilməsinə ümid etmək istərdik. Rusiyada, əlbəttə, danışıqların olmasını istəyirlər. Sual onların hansı şərtlərlə keçiriləcəyidir. Təmas xətti boyunca irəliləyişimiz də buna təsir göstərə bilər”, - deyə deputat bildirib.

Jurova xatırladıb ki, Rusiyanın irəli sürdüyü şərtlər dəyişməz olaraq qalır. Onun sözlərinə görə, bu, danışıqlar prosesinin inkişafına təsir edən mühüm amillərdən biridir.

Deputat hesab edir ki, ABŞ Prezidenti Donald Trampın açıqlamaları və Amerika mediasının Ukrayna üzrə ciddi sülh danışıqlarının yaxınlaşması barədə yazıları Vaşinqtona seçkilər ərəfəsində “müsbət fon” yaratmaq üçün lazımdır.

Bununla yanaşı, Jurova Rusiyanın sülh prosesinin inkişafına hazır olduğunu bildirib.

Bundan əvvəl “The New York Times” Ukraynadakı münaqişənin “eskalasiya spiralı”na daxil olduğunu yazıb. Qəzetin yazdığına görə, ekspertlər və diplomatlar ciddi sülh danışıqlarının 2027-ci ilin yazından və ya yayından əvvəl başlamasının çətin olduğunu bildirirlər.

Daha əvvəl ABŞ Prezidenti Donald Tramp Ukraynadakı münaqişənin nizamlanması ilə bağlı açıqlama verib.

Mövzular:

Rusiya Ukranya The New York Times Svetlana Jurova Rusiya Dövlət Duması Amerika Donald Tramp.

🖨 Çap et

11:11 04.09.2026

Oxunuş sayı: 222