Xarici xəbərlər

Bişkekdə maraqlı an: Pezeşkian qızına Azərbaycan dilində səsləndi

İran Prezidenti Məsud Pezeşkianın Qırğızıstanın paytaxtı Bişkekdə keçirilən tədbirlər zamanı qızı Zəhra Pezeşkiana Azərbaycan dilində müraciət etdiyi görüntülər diqqət çəkib.

Crossmedia.az xəbər verir ki, görüntülər Şanxay Əməkdaşlıq Təşkilatının Bişkekdə keçirilən sammiti çərçivəsində yayımlanıb.

Kadrlarda Məsud Pezeşkianın qızı Zəhra Pezeşkiana Azərbaycan dilində “Zəhra, bura gəl! Keç gəl bura!” dediyi görünür.

Görüntülər sosial şəbəkələrdə yayıldıqdan sonra istifadəçilərin diqqətini çəkib. Məsud Pezeşkianın azərbaycanlı ailədən olması nəzərə alınaraq, onun gündəlik ünsiyyətdə Azərbaycan dilindən istifadə etməsi daha əvvəl də diqqət çəkib.

Qeyd edək ki, Məsud Pezeşkian Bişkekdə Şanxay Əməkdaşlıq Təşkilatının sammitində iştirak edir. İran Prezidentinin səfəri çərçivəsində müxtəlif dövlət başçıları ilə görüşləri də nəzərdə tutulub.

Mövzular:

Məsud Pezeşkian Zəhra Pezeşkian Bişkek

🖨 Çap et

12:33 01.09.2026

Oxunuş sayı: 46