Xarici xəbərlər

Keçmiş dünya birincisi ilk sınaqdan üzüağ çıxdı

Yaponiyalı tennisçi Naomi Osaka ABŞ Açıq çempionatının ilk turunda rusiyalı Anastasiya Zaxarovanı məğlub edib.

Crossmedia.az xəbər verir ki, “Sport-Ekspress” bu barədə məlumat yayıb.

Görüş 2 saat 4 dəqiqə davam edib və Osaka hər iki setdə tay-brekdə qalib gəlib – 7:6 (8:6), 7:6 (7:3). 24 yaşlı Zaxarova WTA reytinqində 101-ci pillədə qərarlaşıb.

13-cü sırada olan 28 yaşlı Osaka matç ərzində 11 eys vurub və üç qoşa səhvə yol verib. Zaxarova isə eys edə bilməyib və dörd qoşa səhv edib. Hər iki tennisçi yeddi breyk imkanından dördünü reallaşdırıb.

Osaka ikinci turda çexiyalı Katerjina Sinyakova ilə qarşılaşacaq. Yaponiyalı tennisçi daha əvvəl dünya reytinqində birinci pilləyə yüksəlib və “Böyük dəbilqə” turnirlərində dörd dəfə çempion olub.

Mövzular:

Naomi Osaka Anastasiya Zaxarova Katerjina Sinyakov Yaponiya Reytinq

🖨 Çap et

12:01 01.09.2026

Oxunuş sayı: 58