ABŞ səfiri Qəzzada soyqırım ittihamlarını lağa qoyub
ABŞ-nin İsraildəki səfiri Mayk Hakabi İsrailə qarşı Qəzzada soyqırım törətməsi ilə bağlı ittihamları tənqid edib və bu iddiaları istehza ilə qarşılayıb.
Crossmedia.az bu barədə xarici mediaya istinadən xəbər verir.
Hakabi bildirib ki, İsrail soyqırım törətməyə çalışırsa, bunu çox pis bacarır. O, həmçinin İsrailin Qəzzaya tarixdə istənilən digər müharibə zonasına göndəriləndən daha çox ərzaq çatdırdığını iddia edib.
Səfir HƏMAS liderlərinin görüntülərinə istinad edərək, onların aclıq çəkən insanlar kimi görünmədiyini söyləyib və “Ozempiк” preparatı ilə bağlı istehzalı ifadə işlədib.
Hakabi əlavə edib ki, İsrail dünyanın ən müasir və döyüş qabiliyyətli ordularından birinə malikdir. Onun sözlərinə görə, İsrail həqiqətən soyqırım törətmək və mülki əhalini qəsdən məhv etmək istəsəydi, Qəzzanı daha qısa müddətdə tamamilə məhv edə bilərdi.
22:55 31.08.2026
Oxunuş sayı: 47
