Xarici xəbərlər

Ermənistan sərhədçiləri TRIPP layihəsinin işə salınmasına hazırlaşır

Ermənistanın sərhəd qoşunları və gömrük əməkdaşları TRIPP layihəsinin icrası ilə bağlı ABŞ-də xüsusi təlim keçiblər.

Crossmedia.az xəbər verir ki, bu barədə ABŞ-nin İrəvandakı səfirliyinin mətbuat xidməti məlumat yayıb.

Ermənistan Sərhəd Qoşunlarının və Dövlət Gəlirləri Komitəsinin nümayəndələri ABŞ Gömrük və Sərhəd Mühafizəsi Xidmətinin təşkil etdiyi təlimdə iştirak ediblər. Təlim Texas ştatının El Paso şəhərində keçirilib.

Təlim zamanı iştirakçılar beynəlxalq dəmir yolu sərhəd nəzarəti, risklərin qiymətləndirilməsi əsasında hədəfli yoxlamalar və dəmir yolu daşımalarına sərhəd nəzarəti sahəsində ABŞ təcrübəsi ilə tanış olublar.

ABŞ səfirliyi təlimin Ermənistanın sərhəd və gömrük xidmətlərinin müvafiq sahələr üzrə hazırlığının gücləndirilməsinə xidmət etdiyini bildirib.

Mövzular:

Ermənistan TRIPP ABŞ El Paso sərhəd qoşunları gömrük sərhəd nəzarəti

🖨 Çap et

09:31 26.08.2026

Oxunuş sayı: 53