Novak: Rusiyada yanacaq bazarında vəziyyət yaxşılaşır
Rusiyada yanacaq bazarında vəziyyət sabitləşməyə başlayıb və tələb-təklif balansı əvvəlki dövrlə müqayisədə yaxşılaşıb.
Crossmedia.az xəbər verir ki, "İzvestiya" bu barədə Rusiya Baş nazirinin müavini Aleksandr Novaka istinadən məlumat yayıb.
Novak bildirib ki, bir sıra neft emalı zavodlarının fəaliyyətini bərpa etməsi nəticəsində bazarda balans yaxşılaşıb və yanacaqdoldurma məntəqələrində vəziyyət əhəmiyyətli dərəcədə düzəlib.
Onun sözlərinə görə, neft şirkətləri daxili bazarın tələbatını ödəmək üçün zəruri həcmdə yanacaq tədarükünü davam etdirirlər.
Bununla yanaşı, Aleksandr Novak qeyd edib ki, Rusiyanın bəzi regionlarında, xüsusilə Sibirdə yanacaq təminatı ilə bağlı çətinliklər hələ də qalmaqdadır. O bildirib ki, həmin ərazilərdə problemlərin aradan qaldırılması üçün operativ tədbirlər görülür.
Baş nazirin müavini əlavə edib ki, hökumət daxili bazarın tam həcmdə yanacaqla təmin olunması üçün bütün imkanlardan istifadə edir və mövcud çətinliklərin müvəqqəti xarakter daşıdığını vurğulayıb.
16:46 25.07.2026
Oxunuş sayı: 47
