Beyin şişindən əməliyyat olunan məşhur aparıcının son durumu AÇIQLANDI
Ötən gün beyin əməliyyatı keçirən, jurnalist Sevda Həsənovanın son vəziyyəti məlum olub.
Crossmedia.az xəbər verir ki, Oxu.Az-ın sorğusuna cavab olaraq Respublika Neyrocərrahiyyə Xəstəxanasından bildirilib ki, Sevda Həsənova fevralın 2-də, saat 12:10-da onlara müraciət edib.
“Həkim müayinəsindən sonra zəruri tibbi xidmətlər göstərilən pasiyentə sağtərəfli akustik nevrinoma diaqnozu təyin edilib.
Onun üzərində fevralın 6-da sağtərəfli akustik nevrinomanın xaric edilməsi əməliyyatı uğurla icra edilib.
Hazırda Reanimasiya şöbəsində müalicəsi davam etdirilir, huşu aydın, vəziyyəti stabildir”, – deyə məlumatda vurğulanır.
Xatırladaq ki, ötən gün yeddi saatdan çox davam edən əməliyyat zamanı S.Həsənovanın beyin şişinin cərrahi yolla götürülməsi (ekstirpasiyası) prosesi aparılıb.
22:28 08.02.2026
Oxunuş sayı: 536
