TDT Baş katibi Azərbaycanın sədrliyi dövründə təşkilatın təsirini artıracağına inanır
Türk Dövlətləri Təşkilatının (TDT) baş katibi Kubanıçbek Ömüralıyev Azərbaycanın təşkilata sədrliyi dövründə TDT-nin təsirini artıracağına inamını ifadə edib.
Crossmedia.az xəbər verir ki, o, bu barədə TDT liderlərinə Yeni il bayramı münasibətilə təbrikində bildirib:
"Gələcəyə baxdıqda, Türk Dünyası daxilində körpü rolunu oynayan, siyasi təsiri, iqtisadi potensialı və regional və qlobal məsələlərdə artan rolu ilə seçilən Azərbaycanın Dövr Sədrliyi dövründə TDT-nin 2025-ci ildə qazandığı dinamikanı davam etdirərək təsirini və qlobal görünürlüğünü daha da artıracağına inanırıq. 2026-cı ildə Türk Dünyasının Mənəvi Paytaxtı Türkistanda “Süni İntellekt və Rəqəmsal İnkişaf” mövzusunda keçiriləcək Qeyri-rəsmi Zirvə rəqəmsallaşma prosesinə güclü təkan verəcək".
14:44 30.12.2025
Oxunuş sayı: 3318
