Dördüncü “Yüksəliş” müsabiqəsinin qalibi Şahlar Məmmədovla Mentorluq Proqramı çərçivəsində növbəti görüş keçirilib
AZAL prezidenti dördüncü “Yüksəliş” müsabiqəsinin qalibi Şahlar Məmmədovla Mentorluq Proqramı çərçivəsində növbəti görüş keçirib.
Crossmedia.az xəbər verir ki, görüş zamanı AZAL-ın strateji baxışı, şirkətin inkişaf prioritetləri, eləcə də dəyişən aviasiya bazarına uyğunlaşma istiqamətində planlaşdırılan əsas addımlar barədə müzakirələr aparılıb.
Hədəflərin reallaşdırılmasında vahid yanaşmanın, daxili koordinasiyanın və dayanıqlı inkişaf prinsiplərinin roluna ayrıca toxunulub.
Həmçinin komanda işi mədəniyyətinin gücləndirilməsi, müxtəlif komandalar arasında effektiv əməkdaşlığın qurulması və liderlik bacarıqlarının inkişaf etdirilməsi mövzularında fikir mübadiləsi aparılıb.
AZAL prezidenti Şahlar Məmmədova peşəkar fəaliyyətində uğurlar diləyir, qarşıya qoyduğu hədəflərə çatmasını və karyerasında davamlı yüksəliş arzulayıb.
18:32 26.12.2025
Oxunuş sayı: 1000
