Ermənistanın quru yükdaşımaları təklifi kompleks danışıqlar tələb edir - Deputat
Ermənistan–Azərbaycan münasibətlərində nəqliyyat və kommunikasiya məsələləri son dövrlər regional gündəmin əsas mövzularından birinə çevrilib. Xüsusilə quru sərhədlər vasitəsilə yükdaşımalarının mümkünlüyü iqtisadi əməkdaşlıq, tranzit imkanları və regional logistika baxımından mühüm əhəmiyyət daşıyır. Ermənistanın Azərbaycanla quru yükdaşımalarının həyata keçirilməsi ilə bağlı irəli sürdüyü təklif də məhz bu kontekstdə diqqət çəkir və Cənubi Qafqazda yeni iqtisadi əlaqələr, alternativ nəqliyyat marşrutları baxımından müzakirələrə səbəb olur.
Mövzu ilə bağlı Crossmedia.az-a Milli Məclisin deputatı Razi Nurullayev bildirib ki, hazırda Azərbaycan tərəfinin irəli sürdüyü bir sıra təkliflər masa üzərindədir və proses ümumilikdə kompleks danışıqlar tələb edir: "Ermənistanın quru yükdaşımaları ilə bağlı səsləndirdiyi fikir də bu kontekstdə növbəti. Bu kimi məsələlər yalnız texniki xarakter daşımır, eyni zamanda siyasi, hüquqi və təhlükəsizlik aspektlərini də əhatə edir. Ona görə də hər hansı qərarın formalaşması üçün tərəflər arasında ciddi görüşlər, detallı razılaşdırmalar və qarşılıqlı öhdəliklərin aydın şəkildə təsbit olunması vacibdir.
Yalnız bütün bu məqamlar uzlaşdırıldıqdan sonra bu tip təşəbbüslərin regionda real nəticələr verib-verməyəcəyi barədə konkret danışmaq mümkün olacaq".
Mehriban Yariyeva
17:14 26.12.2025
Oxunuş sayı: 1402
