Azərbaycan Səfirliyi Peruda aztəminatlı ailələrin uşaqlarına bayram hədiyyələri təqdim edib
Azərbaycanın Perudakı Səfirliyi Peru-Azərbaycan Parlamentlərarası Dostluq Qrupunun üzvü ilə birgə Milad və Yeni İl bayramlarını aztəminatlı ailələrin uşaqları ilə qeyd edib.
Crossmedia.az xəbər verir ki, bu barədə səfirlikdən bildirilib.
Təşəbbüs çərçivəsində səfirlik Peru-Azərbaycan Parlamentlərarası Dostluq Qrupunun üzvü, deputat Rosangella Barbaran ilə birlikdə Peru paytaxtının Komaz rayonunda yerləşən Las Lomas de Nueva Esperanza ərazisində yaşayan aztəminatlı ailələrin uşaqlarına bayram münasibətilə hədiyyələr təqdim edib, onlara bayram ab-havası yaşadıb.
Aksiya həmin rayonun yerli icra orqanları və sakinləri tərəfindən yüksək dəyərləndirilib, göstərilən diqqət və qayğıya görə Azərbaycan hökumətinə minnətdarlıq ifadə olunub.
23:08 25.12.2025
Oxunuş sayı: 1439
