Serbiya iki aydır xaricdən neft almır
ABŞ sanksiyaları səbəbilə NIS şirkətinə qarşı tətbiq olunan məhdudiyyətlərdən dolayı Serbiya artıq iki aya yaxındır xaricdən neft almır.
Crossmedia.az xarici mətbuata istinadən xəbər verir ki, bu sözləri Serbiyanın Mədənçilik və Energetika naziri Dubravka Djedoviç Handanoviç ölkənin neft şirkətlərinin nümayəndələri ilə keçirilən görüşdə deyib.
“Serbiya təxminən iki aydır bir damcı belə xarici neft almır, lakin vətəndaşlar və müəssisələr bunu hiss etməyiblər. Biz vəziyyət NIS-lə bağlı tam həll olunana və Pançevodakı neft emalı zavodu yenidən işləməyə başlayana qədər bu vəziyyəti eyni şəkildə davam etdirmək üçün hər şeyi edirik və edəcəyik,” – deyə nazir bildirib.
Handanoviç əlavə edib ki, nazirlik ölkənin daxili bazarında fasiləsiz təchizatı təmin etmək üçün bütün zəruri tədbirləri görməkdə davam edir.
Pərvin Hacıyeva
19:40 04.12.2025
Oxunuş sayı: 2072
