Böyük Britaniya XİN: Səfir Kelin Rusiyanın “düşmənçilik fəaliyyəti” ilə bağlı çağırılıb
Böyük Britaniyanın Xarici İşlər Nazirliyi 2018-ci ildə “Noviçok” maddəsi ilə zəhərlənmə hadisəsi üzrə araşdırmanın nəticələri açıqlanandan sonra Rusiyanın Londondakı səfiri Andrey Kelini XİN-ə çağırıb.
Crossmedia.az xarici KİV-ə istinadən xəbər verir ki, diplomatın çağırılmasının əsas məqsədi “Böyük Britaniyaya qarşı düşmənçilik fəaliyyəti” ilə bağlı Rusiyadan izahat tələb etməkdir.
Yayımlanan ictimai araşdırma hesabatında qeyd olunur ki, 2018-ci ilin iyulunda zəhərlənmə nəticəsində vəfat edən britaniyalı Don Sterdjess Solsberidə baş verən hadisənin təsadüfi qurbanı olub. Britaniya hakimiyyəti həmin hadisədə Rusiya mənşəli “Noviçok” maddəsi ilə eks-GRU polkovniki Sergey Skripalın zəhərlənməsinə cəhd edildiyini bildirir.
Hesabatda Sterdjessin ölümü ilə bağlı “mənəvi məsuliyyətin” Rusiyanın siyasi rəhbərliyinin üzərinə düşdüyü qeyd olunub. Skripalın zəhərlənməsi məsələsində isə Moskva birbaşa ittiham edilir.
Pərvin
19:26 04.12.2025
Oxunuş sayı: 2039
