Özbəkistanda Bakhmal və Zaamin bölgələri birləşdirilərək turist marşrutu yaradılacaq
Özbəkistan hökuməti Bakhmal və Zaamin dağlıq ərazilərini birləşdirərək Cizak vilayətində vahid turist marşrutu – “turizm halqası” yaratmağı planlaşdırır. Bu barədə layihəni ölkə prezidenti Şavkat Mirziyoyev açıqlayıb.
Crossmedia.az xarici mediaya istinadən xəbər verir. Layihə çərçivəsində yüzlərlə turizm və xidmət obyekti fəaliyyətə başlayacaq, minlərlə yeni iş yeri yaradılacaq və turizm xidmətlərinin ixracı əhəmiyyətli dərəcədə artacaq. Artıq gələn il Zaamin-Bakhmal-Gallyaral istiqamətində 158 kilometr uzunluğunda yolun təmiri başlanacaq. Bakhmalda 39 hektarlıq turist klasteri inşa ediləcək, bunun dəyəri 40 milyon dollar təşkil edəcək və bölgəyə turist statusu veriləcək.
Eyni zamanda, bölgədə 500-dən çox turizm və xidmət obyekti istifadəyə hazır vəziyyətə gətirilir. Layihələrin ümumi dəyəri təxminən 2 milyard dollar təşkil edir. Hazırda tamamlanmış layihələr (300 milyon dollar) bölgədə ilboyu fəaliyyət göstərən kurort zonaları və hava limanlarının işini təmin edib. Cizak vilayətini ölkənin ən cəlbedici turizm marşrutlarından birinə çevirib.
Ekspertlər hesab edir ki, turizmin inkişafı həm ölkə, həm də bölgə iqtisadiyyatı üçün mühüm əhəmiyyət daşıyır və dünya miqyasında Özbəkistanın təbii gözəlliklərini tanıdacaq.
Sevinc Yarməmmədova
18:54 04.12.2025
Oxunuş sayı: 1741
