Litva Belarusla hava məkanının bağlanmasının müddətini uzadıb
Litva Belarusla sərhəd yaxınlığındakı hava məkanında uçuş qadağasını 2026-cı il fevralın 1-dək uzadıb. Crossmedia.az xəbər verir ki, bu barədə ölkənin ordu komandanlığı məlumat yayıb.
Məlumata görə, qadağa siqaret qaçaqmalçılarının hava şarlarından istifadə etməsi və dronların təhlükə yaratması səbəbilə tətbiq olunur.
Qeyd olunur ki, oktyabrın 2-də qismən bağlanmış hava məkanı dekabr ayına qədər uzadılmışdı. Avqustun 21-də isə sərhəddə tam uçuş qadağan zonasının tətbiqi təhlükəsizlik və pilotsuz uçuş aparatlarının fəaliyyəti, eləcə də Rusiya-Belarus “Zapad-2025” hərbi təlimləri ilə əlaqədar həyata keçirilmişdi.
Qadağa həm də mülki aviasiya üçün potensial risklərin azaldılması məqsədini daşıyır. Bu qərar Litva-Belarus sərhədində təhlükəsizlik tədbirlərinin gücləndirilməsinin davamı kimi qiymətləndirilir.
Nəzrin Abbas
18:41 04.12.2025
Oxunuş sayı: 1699
