Makron və Merz Zelenskiyə xəbərdarlıq edib
Fransa prezidenti Emmanuel Makron və Almaniya kansleri Fridrix Merz Volodymyr Zelenskiyə ABŞ-ın Ukrayna və Avropaya xəyanət edə biləcəyindən narahat olduqlarını bildiriblər.
Crossmedia.az bu barədə xarici KİV-ə istinadən xəbər verir.
Bildirilir ki, söhbət dekabrın 1-də, Avropa liderləri və Zelenskinin iştirakı ilə ABŞ və Ukrayna nümayəndə heyətləri arasında Floridada aparılıb. Makron ABŞ-ın təhlükəsizlik zəmanətləri olmadan ərazi məsələlərində Ukraynaya xəyanət edə biləcəyini və Zelenski üçün “böyük təhlükə” olduğunu qeyd edib.
Merz isə Zelenskini “yaxın günlərdə çox diqqətli olmağa” çağırıb və əlavə edib: “Onlar həm sizinlə, həm də bizimlə oyun oynayırlar.” Finlandiya prezidenti Alexander Stubb və NATO-nun baş katibi Mark Rutte də bu mövqeyi dəstəkləyiblər.
Dekabrın 3-4-də Kremldə Rusiya prezidenti Vladimir Putin və ABŞ-ın xüsusi nümayəndəsi Stiv Vitkoff, eləcə də Jared Kuşner arasında danışıqlar baş tutub, lakin ərazi məsələsi əsas maneə olaraq qalır.
17:10 04.12.2025
Oxunuş sayı: 1988
